Wednesday, October 8 – Punjabi music world te dangor dukh khobor ahishe, jate popular singer Rajvir Jawanda October 8, 2025 te mori jaishe, road accident pichete 11 din fight kori thaka pisot. 35 sal artist ke Fortis Hospital, Mohali te admit kora jaishe, juntu accident Baddi, Himachal Pradesh laga road te September 27 te hoishe.
Report hisap te, Rajvir laga gari ekta stray cattle logote takar para accident hoishe aru gari ulta jaishe. Tai serious brain aru spinal injury pai she — duita spinal fracture aru neck break bhi hoishe, juntu karone oxygen flow brain te rukhi jaishe. Doctor khan bishi try korile bhi, ventilator te rakhi thaka para bhi tai multiple organ failure karone Wednesday morning 10:55 am te mori jaishe. Tai laga funeral October 9 te Ludhiana te hobo, jate fan aru well-wisher khan aahi kina tribute dibole paribo.
Punjabi film aru music industry laga dangor celebrity khan, jiman khan Gippy Grewal, Sargun Mehta, Neeru Bajwa khan social media te dukh janai ase. Punjab Chief Minister Bhagwant Mann bhi condolence di kina koishe ki Rajvir Jawanda hoile “Punjab laga asli awaz,” juntu laga gaana manu laga heart touch kori dishe.
Tai laga popular song khan “Muchh Khadi Rakh Da” aru “Chandigarh Dropouts” olop din te bishi famous hoishe. Rajvir Jawanda laga morom aru music te bhorta life journey etiya hamesha karone yaad rakha jabo.
Add Comment