Rajya Sabha MP Raghunath COVID para morishe

May 10, 2021. Eminent sculptor aro Rajya Sabha MP Raghunath Mohapatra toh Sunday din Odisha, AIIMS-Bhubaneswar te COVID-19 bemar para morishe, etu samai tai laga umer toh 78 thakishe. Mohapatra ke COVID-19 positive test thura beche 1 din thakina morishe. Mohapatra toh Padma Bhushan awardee ase, tai April 22 darik hospital te admitted korishe. “doctors khan para parai dak pajaboli kam korishe, hoilebi tai larai toh harikena 3.49 pm samai morishe,” koikena AIIMS-Bhubaneswar laga Director, Dr Gitanjali Batmanabane para janaishe. President Ram Nath Kovind para koishe ke, “Raghunath Mohapatra mora nemite art field toh komjuri hoishe. Tai toh sculptor of traditional te besi tangor talented thaka manuh ase aro tai ke tinta(3) Padma awards be thikena ase, tai nathaka toh besi tangor noksen ase. Ami laga mon dukh kotha toh ghor manuh, sati aro tai laga beche kora manuh khan logot janaishe ase.” Prime Minister Narendra Modi para be Raghunath Mohapatra mora nemite mon dukh howa janaishe. Modi para koishe, Mohapatra ke tai laga kam traditional crafts oper te hotai yaat thakibo. “MP Shri Raghunath Mohapatra Ji, mora khobor honikena besi mon dukh hoishe. Tai para world of art, architecture aro culture te bhal kam besi korikena ahishe. Tai laga kam toh hotai din nemite yaat thakibo, ami laga bapana toh ghor manuh, sati khan logot janai ase. Om Shanti.”