Rajya Sabha te Nov 29 darik Business Advisory Committee meet thakibo

New Delhi: November 29 din Rajya Sabha te meeting of the Business Advisory Committee (BAC) thakiboli ase. Etu meeting toh government legislation aro dosura business kam nemite Parliament te 10 am samai soruh hobo. Khobor hesab te winter session toh be November 29 darik para soruh ase. BJP’s legislative business te 26 notun bills samil ase. Government para tinta(3) farm laws toh sobse tangor te kotha koribo. Government laga agenda te Cryptocurrency aro Regulation of Official Digital Currency Bill, 2021 be samil ase. Bill te tinta(3) farms laws hataboli toh etu jowa hafta union cabinet para manishe. Information & Broadcasting Minister Anurag Thakur para reporters logot meeting kotom kora beche koishe ke government para parliament te winter session samai tinta(3) farm laws hataboli toh sobse tangor kam ase. Etu samai, Union Minister of Parliamentary Affairs Pralhad Joshi logot meeting  te floor leaders of political parties oper te Parliament te kotha korishe. Bharatiya Janata Party’s (BJP) parliamentary executive committee be Parliament Annexe te dosura meeting ekta thakishe. Rajya Sabha Chairman M Venkaiah Naidu para floor leaders khan ke meeting korishe. Government’s agenda te tinta(3) bills toh putli hoboli koishe. Congress para tinta(3) line whip toh MPs khan ke tuita(2) Parliament Houses te November 29 darik te thakiboli janaishe. Etu samai, Leader of Opposition in Rajya Sabha Mallikarjun Kharge para Monday din te sob Opposition parties logot meeting mathishe aro etu samai Parliament te issues kotha koboli janaishe. Winter session toh December 23 darik te kotom hoboli koishe.