New Delhi, 23 October : South superstar Ram Charan aru tai laga wife Upasana Konidela nijor second child welcome kuribo karone taiyar hoi jaise — duita saal piche te tai laga first daughter Klin Kaara laga birth hoise. Itu happy news itu couple pora ekta beautiful family video share kuri kena announce kuri dise, juntu Upasana laga godh bharai (baby shower) ceremony pora ase.
Ram Charan aru Upasana laga second pregnancy news tai laga fans khan karone ekta sweet surprise hoi jaise. Godh bharai ceremony usually mahila laga delivery date laga kotha najik te hobo, etu karone HT report hisab te speculation ase ki couple twins expect kuri ase. Itu rumour aru barhi dise, karon announcement video te “double” likha caption aru duita chhoto feet symbol dekhai dise.
Couple dujon laga Instagram te joint post share kuri dise Diwali laga din te, juntu Upasana laga godh bharai celebration logot coincide kuri thakise. Video te Ram Charan aru Upasana laga beautifully decorated living room pora start hoise, juntu te guests khan tai ke blessings aru gifts diya dekhai dise. Second time mom-to-be Upasana ekta blue outfit te gorgeous lagise, aru Ram Charan bhi khushi thaka moments te blink-and-miss appearance dikhai dise.
Video te Ram Charan laga father Chiranjeevi, new parents Varun Tej aru Lavanya Tripathi, Pawan Kalyan laga wife Anna Lezhneva, Venkatesh Daggubati, aru aru celeb khan bhi dekhai dise. Nayanthara aru Vignesh Shivan ta laga twin boys logot bhi itu clip te part thakise. Video end te “New Beginnings” likha bright flash te show kuri dise, aru happy Konidela family laga moments logot fade out hoi jaise.
Ram Charan aru Upasana Konidela June 12, 2012 te Hyderabad te shadi kurise, aru tai laga first child Klin Kaara June 20, 2023 te jonum hoise.
Add Comment