Ram Gopal Varma para Arnab Goswami oper te ‘Arnab -The News Prostitute’ film bonaboli junai thishe

New Delhi. August 4, 2020. Editor-in-chief of Republic TV, Arnab Goswami ke lamai thikena, Monday din te film bona manuh Ram Gopal Varma para Twitter te jaikena junai thishe ke, tai para film ekta bonabo aro nam tuh ‘Arnab -The News Prostitute’. Film bona manuh para aro koishe ke, tai para keli etu film bonaboli ase koile tuh Arnab Goswami para Bollywood oper te TV te besi kotha koi. Sushant Singh Rajput suicide bechete Bollywood oper te kotha besi kuri ase koishe. Goswami para actor Rajput mora nemite Bollywood laga kotha koishe. Varma para koishe ke, tai besi shocked paishe ketai Goswami para Bollywood logot sobse latera industry kowah samay thakishe. Goswami para Bollywood logot kotha kowah te Varma koishe ke, “ami tuh saboli besi shocked paishe #ArnabGoswami para Bollywood ke eman beya nem te kotha kura tuh….Tai para Bollywood logot sobse latera industry matishe aro criminal connections be ase koishe. Arnab Goswami para manuh mora – Divya Bharthi, Jiah Khan, Sridevi aro Sushant laga case tuh ekta(1) bonaikena morai deya manuh tuh Bollywood ase koishe…aro etu manuh khan sob tuh 25 saal pithor te mora ase”  koikena  Varma para koishe. “aro Divya, Jiah, Sridevi aro Sushant laga cases tuh alak manuh aro kisa be alak ase…Hoilebi Arnab laga dimak te etu khan tuh ekta he ase aro sob tuh Bollywood khan para morai thishe” film bona manuh para tuh koishe. Arnab Goswami oper te film bonaboli ase, Varma para aro koishe ke, “ami tuh ekta ase aro ami besi tangor bhapana ase ke #ArnabGoswami oper te film bonaboli bhapana kuirshe. “Arnab oper te ami laga film nam tuh “ARNAB” THE NEWS PROSTITUTE. Ami tai ke study kura beche tagline tuh News Pimp naholi News Prostitute thiboli bhapana kurishe, tuita nam be bhal ase hoilebi last te prostitute thiboli bhapana kurishe” Verma para janai thishe.