Mumbai, 19 December : TV aru film actor Ram Kapoor Thursday din social media te tai laga latest photo share koribo para internet te trending hoi jaise. 51 saal laga actor, jun last time Yudhra te dekhai thaikise, social media pora ekta break loi thaikise. Kintu kechu ghonta piche, Ram tai laga wife Gautami Kapoor logote ekta photo share korise, juntu te tai laga weight transformation dekhai dibole parise. Fans khushi pora Ram ke support aru tai laga achievement nimite appreciate korise.
Kechu fans tai laga ager ‘golu-molu’ look bhal laga ase koi thaikise, kintu majority to tai laga transformation ke define kori aru praise korise. Ekta fan comment korise, “Unbelievable transformation Sir, but itu Golu Molu Ram Kapoor from Bade Achhe Lagte Hai laga look to amikan definitely miss koribo.” Aru alak ekta comment te likha ase, “Okay so now this is the coming back, and that’s how we settle the scores !! Apuni amikan aru mor sister laga childhood crush thaikise, aru hosa te apuni ajikali bhi apuni laga acting skills pora surprise dei thaike. Oh !! Monsoon Wedding laga cameo bhi amikan chhadi bo na pare.”
Add Comment