September 06,2020: Ayodhya te Ram temple bona laga kaam toh September 17 ‘Pitra Paksh’ samay khotom huwa pichede shuru kuribo.
Pitra Paksh laga matlab toh samay ekta ase kuntu te Hindus khan para ancestors khan ke khushi janaideh aro etu samay te ekta bi kaam shuru nakuribo.
Shri Ram Janmabhoomi Teerth Kshetra Trust general secretary Champat Rai para khobor dishe ki Larsen aro Tourbo khan tayari kuri ase etu grand temple laga foundation halibole nimete etu bi ‘Pitra Paksh’ laga samay khotom kura pichede.
Etu temple toh 12,879 square metre area Ram Janmabhoomi campus te bonabole ase.aro bi khobor paishe ki Larsen aro Toubro khan etu kaam kuri ase fee okobi charge nakurikena.
Rai koishe “ komti hoilebi 1200 nishena pillars khan 100 feet surface laga nichete halidibo etu temple foundation toh bonabole nimete .etu pillars toh pathor thakibo aro loha khan nachulabo.aro bi etu pillars te aro ekta layer foundation nimete dhalibo.”
Etu trust khan ke bhabona kuri ase ki komti hoilebi etu temple laga foundation halibole nimete 100 labourers khan rakhibo.
Sob workers khan ke coronavirus nimete test kuribo aro thermal scanned kuribo Ram Janmabhoomi campus te naghussibole nadia akhe te.
Etia Ayodhya Development Authority (ADA) para juwa haafta duita layout approve kurishe.ekta layout toh Ram mandir aro ekta toh pura Ram Janmabhoomi campus nimete ase.
Add Comment