January 07, 2023 : Ayodhya Ram Mandir inaugurate kuriboley asey Prime Minister Shri Narendra Modi para 24th January 2024 tey. 60000 para be pishe manu expect kuriasey itu consecration ceremony tey attend kuriboley.
All India United Democratic Front (AIUDF) laga chief Badaruddin Ajmal para Muslim community laga members Assam tey thakiyakhan ke koishey itu mahina tey unexpected incident hobo parey itu karney train khan tey travel nakuriboley karney.
Itu Ram Mandir Temple toh inaugurate kuriboley asey Prime Minister Narendra Modi para aru itu ceremony tey 60000 manu khan expect kuriasey.
Assam Barpeta District tey political campaign thakishey aru tatey address kura homoi tey, Badaruddin Ajmal para Assam tey muslim community khan ke koishey January 20 para January 26 tak khor tey thakiboley.
Bharatiya Jayanta Party (BJP) khan para booked kurishey special trains, flights aru buses khan, itu Ram Mandir tey aneboley karney, tai khan dangor plan asey. Moi urge kuriasey amikhan laga Muslim brother’s khan ke travel nakuriboley train para January 20 para 26 tak. Ajmal para koishey.
AIUDF plan kuriasey 14 Lok Sabha Assam laga constituencies tey teenda seats contest kuriboley asey. Lok Sabha tey contest kuriboley karney Assam tey upcoming general election karney party members khan meeting loboley start kurishey.
Add Comment