US, 09 April 2025: Hollywood actor Rami Malek, jun last time Christopher Nolan laga ‘Oppenheimer’ te thakise, American nuclear physicist David Hill laga role te, etia ekdum alag type laga role loi se upcoming action thriller “The Amateur” te. Oscar-winning actor Rami recently ekta interview te koi se ki etu project bhal timing te ahise tai laga career te, especially Oppenheimer juntu intense aru dimaag laga role thakise, khotom howa pichete.
Interview te Rami koise, “Moi ekta genre change kuribo bisari ase, aru “The Amateur” para moi ke ekta moka dise. Moi next ki kuribo mon ja, to surprising answer hobo ‘action film’ ase, hoilebi eni ekta action film nahoi kena. Moi etu bisara to, elegant, sophisticated, smart aru ekta manuh laga point of view para juntu underestimate kura hoi,”.
Director James Hawes bhi Rami laga point ke support kuri kena koi se, “ ‘The Amateur’ alag film nishina nahoi, karon etu realistic aru emotional depth te focus kure, exaggerated action juntu ami normally dekhi thaki. Ami bhal para jani ase, kot ekta manuh ajanak Jason Bourne hoi jai, ninja moves nishina. Etu sob unrealistic ase, aru etu film te enika nohoi,”.
Tai age te koise, “Rami etu role te ekta extraordinary honesty aru pura commitment loi ahise. Ami etu character ke normal rakhibo. Tai suddenly moves nai janibo, aru ekdom sharpshooter bhi nahobo.”
‘The Amateur’ laga story ekta CIA cryptographer upore ase, jun laga wife ekta terrorist attack te muri jai. Jetiya agency badla kuribole mana kore, tai nijor haat te justice lobo laga decision loi, nijor intelligence aru resourcefulness use kuri kena revenge lo bole.
Etu film te Rachel Brosnahan, Laurence Fishburne, Caitriona Balfe, Holt McCallany aru Adrian Martinez bhi important role te ase. Indian audiences ke etu movie April 10, 2025 te cinema hall te dekhibole pabo, international release para ek din age.
Add Comment