Ramkumar Ramanathan aro Prajnesh Gunneswaran harise

Agencies, 15 September: Ramkumar Ramanathan toh na-hara agae de ektum kosish kora thakise aro Prajnesh Gunneswaran be jetibo karni ektum chance powah thakise. Hoilebe Friday din World Group Play-off tie de India toh Serbia logode 0-2 pora hara thaise. Ramkumar toh first Davis Cup match jetibo karni ektum kosish kora thakise. Hoilebe tai Laslo Djere logode agae jabole na-para thakise. Kraljevo Sports Venue jaga de, Indian toh 6-3 4-6 6-7(2) 2-6 pora hara thakise aro khel kothom hobo karni tin-khonda aro 11 minute lowah thakise. Ranked 135 Ramkumar, logode na-khela agae de, ranked 86 Djere, toh tuita Davis Cup matches debe hari kena thakise. India laga naam othabo karni Prajnesh logode ektum chance powah thakise. Hoilebe tai number 56 Dusan Lajovic logode 4-6 3-6 4-6 pora hara thakise. Tai jun majode khel toh ek-khonda aro 57 minute laga thakise kothom hobole. Tie de bachi kena thakibo karni, Saturday din double khela time de, Rohan Bopanna aro N Sriram Balaji toh Nikola Milojevic aro Danilo Petrovic logode jetibo lagibo. US Open Champion Novak Djokovic aro jokhom pai-kena thaga Filip Krajinovic na-thaga karni India khelari khan opening day time de nai-nai koile ekta rubber jetibole biswas kori ase.