New Delhi, 22 May : Tamil actor Rana Daggubati laga starrer crime drama series Rana Naidu Season 2 laga OTT release date announce korishey. Series tu Karan Anshuman direct korise aru Sunder Aaron produce korise, aru main role te Venkatesh Daggubati, Rana Daggubati aru Surveen Chawla dekhibo paribo. First season 2023 te OTT platform Netflix te release hoisey
Rana Naidu Season 1 laga story ekjon problem solver, Rana Naidu logot related ase, jun celebrity world te dusra manuh laga problem solve kore. Kintu tai laga nijor family life pura ulta-palta thakise, aru tai laga wife aru baccha logot relation bhi thik nai. Itu series popular American show Ray Donovan (2013) pora inspired ase
Wednesday din Netflix officially announce korisey ki Rana Naidu Season 2 June 13, 2025 te release hobo Netflix te. Post te likha ase, “The man. The myth. The moment you have been waiting for – Rana Naidu is coming back. Watch Rana Naidu Season 2, out 13 June, only on Netflix”
Rana Daggubati laga last project hoisey action-adventure film Vishwambara, juntu te tai Trisha Krishnan, Meenaakshi Chaudhary aru Chiranjeevi logot act korisey. Film tu Mallidi Vasishta direct korisey. Next, Rana Daggubati Teja laga direct kora Rakshasa Raja te dekha jabo
Dusra side te, Venkatesh Daggubati last dekha dise film Sankrathiki Vasthunam te, juntu te Aishwarya Rajesh, Upendra Limaye aru Mahesh Balraj bhi act korisey
Add Comment