Ranbir Kapoor para koisey ki tai kunba Kapoor family member laga nakamyabi laga karon study kurisey

New Delhi, July 28 : 2007 te, 25 years laga Ranbir Kapoor, kun ekta mashoor actor laga baccha asey, tai Sanjay Leela Bhansali laga film Saawariya logotey acting laga suruwat kurisey. Hoilebi, tai para expect kora nisna success hasil koranai kilemaney etu film tu box office te flop hoisiley. Hoilebi Saawariya laga nakamyabi para Ranbir ke girikina wapas utha aro film industry laga kobole napara nature laga  kitya bi pahoribole napara laga lesson sikhaisey. Etya Ranbir tu 41 years hoijaisey. Tai para koisey ki success aro failure laga mamla te tai bisi balanced asey. Etu khan para taikey eman effect nokorey kilemaney tai tailaga movie laga outcome (natija) logotey eman attached nai. Success aro naam laga bari te tai para enaka koisey, “Etu tu duniya laga sobsey bhal feelings asey. Apni tu apnikhan najana manu khan para bisi morom pai. Taikhan apni ke sai, smile korey aro taikhan laga suku tu khusi para bharijai, kuntu tu bisi bhal asey. Hoilebi ami etu logotey attach hobole naparey.” Mashoor actor laga parivar te jonom hoikina dangor huwa Ranbir para tailaga relative ke success aro failure duita bi experience kora dikhisey kuntu para taikey tailaga career te ucch-nicch huwa para effect hobole diyanai. Ranbir para koisey ki tailaga rishtadar khan laga failure laga karon tai jani thakisey. Tai para taikhan ke study kurisey. Tai etu tu bisi chutu umar para dikhi thakisey. Ranbir laga baba Rishi, kun 2020 te murijaisiley tai tu gusa uthija nimitey jana jai thaisey. Aro tai logotey picture nohoilebi autograph lobole aha fan khan ke gusa para khedai di thakisey. Ranbir para koisey ki tai para fan khan monduk hoija tu sai thakey aro tailaga bana nisna ekey react nukuribole faisla kurisey kilemaney Ranbir tu kun ke bi ‘nohob’ kobo naparey.  Ranbir para koisey ki judi kunba para tailogotey picture lagey nohoilebi autograph lagey tai taikhan laga iccha pura kuribole bisi khusi hoi.” Ranbir tu etya Ramayana laga shooting kuri asey. Aro Animal film laga second part Animal Park nimitey tayari kuri asey.