Mumbai, February 19 : Ranbir Kapoor tu ‘Animal’ film te tailaga ekdam bhal acting nimitey Best Actor award paisey. Gujarat te huwa Filmfare awards te, tailaga acceptance speech diya homoitey, Ranbir para director Sandeep Reddy Vanga ke tailaga opor te nihilikina biswas rakha nimitey dhanyabad disey. Tai para tailaga murija baba(Rishi Kapoor) ke bi yaad kurisey aro etu award tu tailaga ek saal laga chukri, Raha ke etu award dedicate kurisey.
Ranbir Kapoor para ‘Animal’ film te Ranvijay Balbir Singh laga role kurisey aro etu para taikey sob jaga para appreciation paisey. Award show te Best Actor trophy jeeta actor(Ranbir Kapoor) para tailaga speech para tailaga fans ke emotional kuridisey. Ranbir para tailaga speech te koisey, “Jitya amikhan Ahmedabad te pungchisey, amikhan para rasta tu Hindi fim industry banner para bhorta hoikina thakisey. Aro etu tu bisi mon khusi kuridiya laga thakisey. Etu nimitey Gujarat laga sarkar ke bisi dhanyabad. Direction team ke dhanyabad. Ami para etu award tu ami laga zindigi te thaka 3jun manu ke dedicate kuribole mon asey. Animal laga chamion – Mr Sandeep Reddy Vanga para suru kurikina. Apni tu alpha asey, ami para kaam kora majotey sobsey original aro cinematic director. Aro apni logotey milikina kaam kuribole tu hosa bi bisi dangor kotha asey. Apni para amikey biswas dikha para amikey encourage kurisey aro Vanga apni tu jitisey.”
Etu opor te tai para tailaga murija baba Rishi Kapoor ke bi dhanyabad disey. Tai para enaka koisey, “Ami para etu award dedicate kuribole mon thaka dusra manu tu Mr Rishi Kapoor asey. ‘Papa moilaga Jaan’ hodai din ami apni ke yaad korey aro ami para apni nimitey ki mehsoos korey…morom, affection, etu sob kea mi para etu part laga through channelize kuribole kosis korey aro ami akha kuri asey ki apni tu opor te shanti para buhi asey aro aram kuri asey.”
Last te, Ranbir Kapoor para etu award tailaga chukri Raha ke dedicate kurisey. Raha tu titya jonom hoisey jitya Ranbir para ‘Animal’ shooting suru kurisey.
Add Comment