New Delhi, July 30 : Sandeep Reddy Vanga para direct kora film Animal kuntu Rs 900 crore opor kamaisey aro etya tak laga top 10 sobsey bisi poisa kama Indian film majotey ekta asey etu film logotey Ranbir Kapoor tu 3jun Khan Shah Rukh Khan, Aamir Khan aro Salman Khan laga alava ekta lota Bollywood actor asey kun para etu mukam hasil kurisey.
Recently, Ranbir para tai etu 3jun Khan te ki quality aro character khusi pai aro tailaga nijor jibon te cholabole mon asey etu discuss kurisey. Tai para Aamir laga pura mondikina kaam kora laga adat cholabole laga iccha jataisey, tai para Shah Rukh Khan laga dusra ke morom aro modod baji kora laga adat aro Salman Khan laga baccha nisna bhabna thaka quality laga tarif kurisey.
Ranbir para Nikhil Kamath laga podcast show Pepople by WTF te interview diya homoitey koisey, “Aamir Khan laga kaam kora laga ethic…Ami para taikey kaam te dikhisey aro etu tu bisi bhal asey. Tailaga kaam kora laga tarika tu bisi bhala sey; tai bisi mehnati asey.”
Tai para koisey, “Shah Rukh Khan laga manu khan ke morom diya laga nature…Tai apnike kotha kurikina duniya te apni ekla ekta manu asey nishna meshsoos korabo. Ami para taikey tai kunlogotey bi kotha korey taikhan logotey enaka kora dikhisey. Suru te, ami etu kuribole kosis kurisiley hoilebi etu asaan nohoi. Tai nijor laga ekta tukra dusra ke diye aro tai SRK huwa laga bawajut bisi saal para etu kuribole continue kuri asey. Etu tu hosa te bi admire kuribole laga asey.”
Salman Khan laga bari te Ranbir para koisey ki Salman te ekta shararati, baccha nisna quality asey. Taikey najanikina thaka manu khan para bhabna kuribo ki tai apni ke bully kuribole bisari asey hoilebi asol te etu tu tailaga bachpana asey.”
Add Comment