Mumbai, March 21 : Dangor Pinkvilla Screen & Style Icons Award tu March 18 te Mumbai ke dazzle kurisey. Etu award function te, entertainment industry laga manu khan taikhan laga bisi bhal talent aro syle nimitey award paisey. Award pa actor majotey Rani Mukerji thakisey, kun para 2023 laga film Mrs Chatterjee Vs Norway film nimitey award paisiley. Tai jitiya picheyte tai para ekta jordar bhasan disey kuntu te film laga dangor impact aro tai nimitey etu kiman jaruri asey etu dikhaisey.
Rani Mukerji para Mumbai laga Taj Lands End hotel te huwa Pinkvilla Screen & Styles Icons Awards 2024 ke grace kurisey. Tai tu kala pant suit lagaikina thakisey. Tai tu Mrs Chatterjee vs Norway film te bisi bhal acting kora nimitey Star of the Year award paisey. Etu film te tai para ekta India ama laga journey depict kurisey kun para tailaga baccha laga custody nimitey Norweigh laga authority khan khilaf te larayi kurisiley. Etu award tu Pinkvilla laga CEO Nandini Shenoy para tailaga haath te disiley.
Trophy pa picheyte, Rani para audience ke etu koikina tailaga speech suru kurisey, “Good evening, ladies and gentlemen. Etu tu ami nimitey dangor garv aro somman laga homoi asey. Tai para taikey Star of the Year award pa nimitey Pinkvilla Screen & Style Icons ke dhanyabad disey. Mrs Chatterjee vs Norway te tailaga performance tu tailaga filmography te bisi special jaga dhurikina asey aro tai tu etu ke loikina garv mehsoos korey.
Add Comment