Pune, 7 February : Ranji Trophy 2024-25 season laga knockout round February 8 pora shuru hobo. Eight qualified teams – Haryana, Saurashtra, Mumbai, Jammu and Kashmir, Vidharbha, Gujarat, Tamil Nadu aru Kerala quarterfinal te compete koribo, aru itu te charita team semi-final te February 17 pora kheli jabole qualify koribo.
Jammu and Kashmir, jun Group A top korise 35 points te, Quarterfinal match te Kerala ke Maharashtra Cricket Association Stadium, Pune te challenge koribo. Defending champions Mumbai Eden Gardens, Kolkata te Haryana ke face koribo. Saurashtra aru Gujarat Niranjan Shah Stadium, Rajkot te khelibo, aru Vidharbha aru Tamil Nadu Vidharbha Cricket Association Ground, Nagpur te compete koribo.
Schedule hisab te, Quarterfinal 1 laga winner aru Quarterfinal 4 laga winner semi-final te face koribo. Arthaat, Jammu and Kashmir aru Kerala laga winner Saurashtra aru Gujarat laga winner logot semi-final te khelibo. Dusra side te, Vidharbha aru Tamil Nadu laga winner aru Haryana aru Mumbai laga winner semi-final te kheli jabole ase.
India laga regular players khan bhi knockout matches te feature koribo nimite ase. Suryakumar Yadav aru Shivam Dube, jun England logot recently T20I series kheli dise, Mumbai laga squad te include kora hoise. Veteran batter Cheteshwar Pujara Saurashtra nimite aru Karun Nair Vidharbha nimite khelibo expected ase.
Saurashtra aru Gujarat laga match Sports18 Khel channel te live broadcast koribo, aru sob matches fans khan JioCinema te live dekhibo paribo.
Add Comment