New Delhi, March 04: Popular YouTuber aro podcast chola manu Ranveer Allahbadia, tu India’s Got Latent koikina ekta youtube show te tailaga kotha nimitey dangor jhamila te fasisiley. Etu mamla te aha nutun update te, Supreme Court para etya Ranveer ke tailaga podcast “The Ranveer Show” release kora tu continue kuribole allowed kurisey. Supreme Court para taikey tailaga podcast te ‘morality aro decency’ maintain kuribole bi koisey.
SC para enaka order disey, “Etya tak tu petitioner(Ranveer Allahbadia) ke youtube te ekta bi show release kuribole para rokhaikina rakhi thakisey. Etu petitioner(Ranveer) para tailaga podcast show te morality aro decency(bhal beybohar) laga standard maintain kuribole, taki sob umar laga youtube viewers para etu sabole paribo, etu laga undertaking luwa picheyte, taikey ‘The Ranveer Show’ wapas suru kuribole permission disey.”
Ranveer para Supreme Court te, Supreme Court para order diya laga ekta part, kuntu te taikey tailaga show laga nutun episode release kuribole mana kurisiley, etu order ke hataidibole nimitey ekta application file kurisiley.
Etu jhamila tu Ranveer para comedian Samay Raina laga show ‘India’s Got Latent’ laga latest show te YouTuber Ashish Chanchlani aro social media influencer Apoorva Makhija logotey aha picheyte suru hoisey. Ranveer laga khilaf te manu khan para awas utha tu tai para ekjun contestant ke hunibole bhal nathaka question huda nimitey asey.
Tailaga etu question para manu khan ke gusa uthaidisey aro bisi manu para India’s Got Latent aro Ranveer laga podcast ke ban kuribole demand kurisey.
Add Comment