June 04, 2025, 05:54 PM: Ekta significant gesture tey, preserve aru Nagaland laga cultural honour kuriboley, Information & Public Relations aru Soil & Water Conservation nimitey Advisor – Imkong L Imchen para Information & Public Relations, Kohima laga Director – Dzüvinuo Theünuo aru Joint Director, IPR, Asangla Imsong para itu Department of Information & Public Relations (DIPR) laga behalf tey ekta rare historical photograph present kurishey, itu Nagaland laga Governor – La Ganesan ke, 04th June, 2025, Raj Bhavan, Kohima tey.
Itu photograph toh hoiley 1900s phaney kicha laga thakishey koi asey, kuntu tey ekta bhorta manu khan tatey thaki kena photo khicha laga thakishey, kun khan toh hoiley ekta central Tenyimia village para hobo nishina asey koishey.
Itu photo laga original negative toh hoiley itu departmental archive khan tey pawa laga asey, kuntu toh hoiley bhal sai kena restore kurishey aru aru bhi print kurishey, itu Department para, April 2025 tey.
Governor para itu thoughtful presentation nimitey appreciate kurishey aru itu Department ke naam uthai dishey, tai khan laga initiative nimitey, itu visual documentation safeguard kuria nimitey, itu state laga past laga.
Add Comment