Mumbai, 13 March : Jodi apuni Holi te ghar te bohi gina movie saibo plan kuri ase koile, taile Netflix te aru ekta naya film stream hobo ase. Action-adventure film ‘Azaad’ jun te Ajay Devgn laga nephew Aaman Devgan aru Raveena Tandon laga daughter Rasha Thadani ase. Film ‘Azaad’ to January te release hoise aru itiabe OTT te stream kuribo karone ready hoise. Itu information Netflix nijor para announce kurise.
‘Azaad’ to OTT te March 14 para available hobo. Netflix laga Instagram post te likha ase, ‘Bravery, loyalty aru war of freedom, watch Azaad on Netflix, will stream from March 14.’
Aaman Devgan aru Rasha Thadani laga debut film laga story to ekta black horse Azaad laga opor te revolve kure ase, jun to sirf Ajay Devgn laga character ke loyalty dikhai thakise. Ajay Devgn to film te ekta bandit nai to rebel laga role khelise.
Tai pichete ekta boy jun to stable te kaam kure, Aaman Devgan pora, itu horse logote friendship kuribo try kuri thakise aru pichete tai ekta unexpected aru adventurous journey te jabo thakise. Itu journey te tai desh laga freedom struggle te part lobo karone inspire hoijai. Film laga story to 1920s te set kora hoise.
Abhishek Kapoor pora direct kora itu film to Ajay Devgn laga nephew Aaman Devgan aru Raveena Tandon laga daughter Rasha Thadani laga first film ase. Itu dukhon actor chara bhi, Diana Penty, Piyush Mishra aru Mohit Malik bhi important roles te dekhaise Ajay Devgn logote.
Aaman aru Rasha Thadani laga debut film to box office te bishi bhal performance nokuribo parise. Audience aru critics para expected response napai kene ase. Rs 80 crore laga budget te banai thakise, kintu global box office te sirf Rs 10 crore hi earn kuribo parise.
Add Comment