Dubai, 6 September : Pushpa fame actress Rashmika Mandanna phirbi ekbar social media te dangor buzz banaise, jitu time te tai Dubai te SIIMA Awards 2025 karone pohonchise. Actress ke dekha paise finger te ekta sparkling ring pura, aru etu karone nai engagement laga naya rumours shuru hoise.
Khub manu jane nai, kintu Rashmika laga naam to Telugu actor Vijay Deverakonda logot link kora hoise, aru etu appearance karone fans khan curious hoijai ase ki dujon laga relationship official hoijabo naki.
Rashmika Mandanna Dubai te pohonchi thaka time laga pictures aru videos khan online te viral hoijai ase. Viral pictures te, Rashmika ke white shirt aru denim pora casual look te dekha paise, tai laga look ke black sunglasses pora accessorise korise. Dusra videos te, Rashmika black-coloured casuals te dekha paise, juntu te ekta gold band ring tai laga third finger te dekha jaise — juntu ring finger buli koi.
Notably, Rashmika Mandanna SIIMA 2025 award ‘Best Actress’ category te jeeti loise, tai laga film Pushpa 2: The Rule karone. Etu tai laga fourth SIIMA award hoijabo. Tai laga co-star Allu Arjun bhi same film karone SIIMA award ‘Best Actor’ category te bag korise.
2024 te release kora film Sukumar direct kori thakise aru etu all-time blockbuster hoise. Sacnilk hisab te, film etiya tak worldwide te Rs 1,742 crore collect kori loise.
Add Comment