New Delhi, May 10 : February 2024 te, Pinkvilla para first report kurisey ki Salman Khan tu AR Murugadoss para direct kora action-packed entertainer nimitey Sajid Nadiadwala logotey team up kuri asey. Etu laga olop diri picheyte, makers khan para ekta official announcement kurisey aro confirm kurisey ki Eid 2025 te release hobole thaka etu film laga naam ‘Sikandar’ asey. Utu homoi para loikina, etu action horta thaka entertainment film laga main actress ke loikina bisi kotha chuli thakisey. Sources laga hisap te etya etu janibole parisey ki Sikandar film laga main actress nimitey Rashmika Mandanna ke chunisey aro tai tu Salman Khan logotey first film banabole pura tayar asey. “Sajid Nadiadwala tu ekta nutun pair nimitey bisari thakisey kilemaney etu film laga script para writing level te etu demand kuri asey. Tai para etu film laga kahani Rashmika Mandanna ke narrate kurisey aro Rashmika tu khali tailaga apart ekla karney nohoikina AR Murugadoss aro Sajid Nadiadwala laga etu film ke organize kora laga pura tarika para bi bisi excited hoijaisey.” Etu source para ageybarikina koisey ki Sikandar tu ekta film para barikina asey. Etu tu ekta strong kahani asey kuntu laga result tu drama aro emotion outflow hobole asey. Etu script para Salman aro Rashmika duijun ke bi excited kuridisey aro taikhan duijun tu June moina para etu film laga shooting suru kuridibole asey.
March 14, 2026
World's First and Only Nagamese Newspaper
Add Comment