Rashtriya Poshan Maah celebrate kurishey Lazami, Pughoboto tey, Ghathashi ICDS project under tey

September 06, 2024: Rashtriya Poshan Maah laga celebration tey, kuntu toh hoiley itu country bhito pura jaga khan tey loi asey, 1^st para 30^th September 2024 tak kuriboley laga, ekta Awareness Camp organise kurishey, Maiki khan & Adolescent Chukri khan nimitey, Maiki khan laga Health opor tey, Ghathashi ICDS Project under tey, aru itu toh hoiley Social Welfare laga Department para organise kuria laga asey, Health & Family Welfare laga Department logotey convergence kuri kena, Lazami village council hall tey para, Friday din tey, 6^th September, 2024 tey. Aru itu logotey hey Anaemia Campaign bhi conduct kurishey, free health screen kuri kena, itu Health & Wellness Centre (HWC) Sub-centre, Lazami laga Medical team para. CDPO R. Chirhotshu Nyusou para key note address deliver kurishey, POSHAN Abhiyan opor tey, kuntu toh hoiley India laga flagship programme asey, nutritional outcome khan improve kuriboley bacha khan, adolescent chukri, pregnant maiki aru lactate kuri thaka ama khan nimitey. Nyusou para ‘Nutrigarden’ opor tey deliberate kurishey, kuntu toh hoiley select kuri kena thaka Angawadi center khan tey set up kuri kena asey, organic aru local para available thaka food source promote kuriboley karney, kitchen garden khan para. Resource Person Dr. Kerekugumle, SMO Pughuboto para Anemia aru itu khan laga health implication khan opor tey kotha kuri kena bujaishey. Tai para koishey, symptom khan toh fatigue hobo parey, bhat khaboley mon nalgibo parey, saas khan loboley dukh pabo parey, matha bishi halka hobo parey, matha ghurabo parey nahoilebi heartbeat toh jurr hobo prey aru hila hili kuriboley astey hoi jabo parey aru kotha koa khan bhi astey hoi jabo parey bacha khan tey aru maiki khan toh muribo parey ama hoa khan itu bimar para. SMO, Dr. Kerekugumle para bhi itu first 100 din laga maiki khan nimitey Jeevan thaka laga opor tey kotha kurishey, pregnant hoa aru tai laga bacha laga 2^nd birthday hoa majetey, kuntu toh hoiley sob apra bishi crucial homoi asey, positive impact nimitey, bacha laga cognitive aru physical development opor tey, kuntu khan toh hoiley Hospital delivery, thik homoi tey vaccination kuria, balance thaka aru nutritious diet thaki kena asey, ama aru bacha khan nimitey bhi.