Mumbai, January 14: Raveena Tandon laga chukri, Rasha Thadani tu Abhishek Kapoor para direct kora film Azaad te Bollywood laga dangor suruwat kuribole asey. Etu film te Ajay Devgn laga nephew Aaman Devgan bi asey. Rasha, kun tailaga film promote kora te busy asey, tai para Filmgyan logotey ekta interview kora homoitey Janhvi Kapoor, Khushi Kapoor aro Suhana Khan logotey taikey compare ke react kurisey. “Janhvi, Khushi aro Suhana ke takkar dibole ahisey Raveena Tandon laga chukri Rasha” koikina kuwa ekta comment te react kurikina Rasha Thadani para koisey, “Ami hisap te taikhan sob tu ami para bi bisi experienced asey. Taikhan tu ami para bi bisi kaam kurisey. Taikhan tu already film khan complete kuriloisey aro release bi hoijaisey. Toh, amilaga bhabna hisap te, ami taikhan para kiba-kibi sikhibo paribo. Taikhan logotey bisi experience asey, etu karney enaka nohobo.”
Rasha Thadani tu Azaad film te tailaga dance number nimitey bisi attention pai asey. Kunba fans khan para Uyi Amma gana te tailaga performance tu Katrina Kaif laga iconic Chikni Chameli logotey taak bi compare kurisey. Tailaga dance para kunba ke impress kurisey aro kunba nimitey te tu tai aney average hey thakisey.
Azaad tu ekta purana homoi laga film asey kuntu ke Abhishek Kapoor para direct kurisey aro Ronnie Screwvala aro Pragya Kapoor para produce kurisey. Etu film te Ajay Devgn, Diana Penty aro Rasha Thadani asey. Etu film tu theatre te January 17 te release hobole asey.
Add Comment