Ravichandran Ashwin, BBL aru ILT20 te feature kuribo

New Delhi, 24 September : Former India all-rounder Ravichandran Ashwin laga chance ase International League T20 te khelibo, karon itu laga auction te register kori dise, aru itu season te Big Bash League teo khelibo pare. ESPNCricinfo laga report te kowa ase, Ashwin laga kunba BBL team logot offer ase. Hobart Hurricanes, Adelaide Strikers, Sydney Sixers, aru Sydney Thunder laga interest ase Indian spinner ke recruit koribo. Itu saal international cricket te retire kora piche te , Ashwin IPL teo retire kori dise, aru franchise-based tournament, India laga bahar te, khelibo available hoise. Ashwin kisu din ILT20 organisers logot discussion kori ase, pichete finally October 1 te hoi thaka auction te register kori dise. ILT20 ekta six-team tournament ase, UAE te host hoi, aru itu tournament te Abu Dhabi Knight Riders, Desert Vipers, Dubai Capitals, Gulf Giants, MI Emirates, aru Sharjah Warriors laga franchises ase.Jodi Ashwin successfully auction te bid loi paise, itu six team laga ekta represent koribo. Last week te, Ashwin Hong Kong Sixes tournament teo sign up kori dise, aru Cricket Hong Kong officially announce kori dise.