Business and Health

RBI para Bank of Baroda ke ‘bob World’ mobile app te aro customer nadhalibole kosiey

October 11, 2023
3 Views
New Delhi, October 10 : Reserve Bank of India (RBI) para State Bank of India picheyte sarkar para chola  India laga second sobsey dangor bank, Bank of Baroda ke etya para loikina taikhan laga mobile app ‘bod World’ te aro customer khan ke nadhalibole koisey.
RBI para Banking Regulation Act, 1949 laga section 35A laga under te thaka power ke cholaikina koisey ki Bank of Baroda laga against te enaka action luwa tu ‘bod World’ mobile app te nutun customer khan ke dhala
RBI para koisey, “ Bob World te, aro nutun customer khan ke dhalisey koiley taikhan para
RBI para agey barikina Bank of Baroda ke etu sure hobole direction disey ki ‘bob World’ app  te poila para thaka customer khan para etu suspension nimitey eku diktar nejhelibo lagey.
Etu saal laga July moina te, enaka report ahisey ki Bank of Baroda laga official khan para taikhan laga app te bisi customer anibole nimitey bank account khan ke misa misi mobile number logotey link kurisey.
Etu news report para janaisey ki March 2022 te, Bhopal Zone laga Bank of Baroda official khan ke etu bank laga nutun app “bod World” te komsikom 150 bank customer ke dhalibole laga target disiley. Etu “bob World” app tu etu laga 6 moina agey te launch hoisiley.
Al Jazeera para dawa kurisey ki Madhya Pradesh, Uttar Pradesh, Rajasthan. Gujarat aro Jharkhand laga  Bank of Baroda employees(kaam kora manu) khan para bi target pura kuribole nimitey etu tarika chlaisey kilemaney taikhan para etu app ke sign up kuribole nimitey manu pabole dukh pai thakisey. Etu officer khan para koisey ki taikhan laga regional office para taikhan laga opor te nazar rakhi thakisey aro taikhan laga performance biya huwa nimitey taikhan ke gali disey.
Bank of Baroda para etu reports tu hosa nohoi koisey aro koisey ki taikhna laga app te registration barabole nimitey misa misi manu khan laga mobile number dhala tu hosa nohoi.
Etu bank para taikhan laga part te koisey, “ Mobile app laga registration barabole nimitey najana manu nohoilebi Bank of Baroda laga customer nathaka manu khan laga mobile number chola laga point utha tu hosa nohoi kilemaney ekta mobile number ke ekta homoitey khali ekta mobile app para hey count kuribo parey.” Aro koisey ki etu Bank para khali Bank laga customer khan ke hey target korey kun khan ke mobile download nohoilebi registration kurikina nohoikina system ke control kurikina .