November 11, 2024, 04:28 PM : RCC Bridge laga Construction nimitey Launch kuria laga programme, Longleng laga Dikhu Nodi para Chuchuyimlang Mokokchung raasta takt oh hoiley loishey, 8th November, 2024 tey, MLA, Nuklutoshi aru MLA, A. Pongshi Phom logotey, itu Mongtikang village Longleng laga bridge point tey.
MLA Nuklutoshi para tai laga address tey tatey jama kuria manu khan ke encourage kurishey, alag alag community khan laga opor tey kotha nakuriboley karney koishey, nahoilebi political party khan laga kotha nakuriboley karney koishey, aru itu khan nakuri kena eke logotey coordinate kuriboley koishey aru developmental kaam opor tey kotha kuriboley koishey, kuntu toh hoiley bishi important asey. Aru bhi tai para state kurishey ki, itu Longleng laga manu khan toh hoiley fortunate asey, itu Pongshi ke MLA pawa toh, kun toh hoiley tai laga manu khan nimitey kaam kuriboley bishi khusi pai.
Tai para duita hydro project khan complete kuriboley aru itu council raasta bhi complete kuriboley assure kurishey, tai laga tenure laga homoi tey aru itu unemployment laga issue khan bhi hatai diboley laga assure kurishey, itu jaga tey aru aru bhi kaam laga opportunity khan baanaboley assure kurishey.
Add Comment