Agencies, 27 September: Sunday din, Daughter’s Day din, maike bacha khan ke gift hisaab te Real Kashmir Football Club (RKFC) para all-women’s team bonaishe aro etu toh national tournaments te khela thakibo.
RKFC chairman Sandeep Chattoo para etu team toh Jammu and Kashmir laga daughters nemide hobo koise. Tai khan toh maike bacha khan ke ektum phal sporting potential ase bhabona ase aro judi tai khan ke thek para trained korise koile kamiyaab hobole bhabona ase koise.
Maike khan majode sport laga popularity yaat rakhi kena Sandeep para etu team te tai laga maike (wife) Poonam para command koribole deshe. Poonam toh Koorg, Karnataka laga manu ase aro tai toh Sandeep logode last 30 sal para shaadi kora laga ase.
Tai ke sports te eku background nathakise koilebe I-League samai tai RKFC team laga daiyari te shai thaki. Poonam toh ekta confident maike ase aro tai toh maike khan ke chance deshe koile agae te jabole bhabona ase.
Add Comment