London, 29 January : Real Madrid Champions League laga automatic qualification miss kori dise, kelemane Europe bharot group-stage laga final night te Benfica laga haat te 4-2 porajoy khabo lagise. Wednesday din rati pura high-voltage match thakise.
Kylian Mbappe laga goal pora 15-baar champions khon jeeta rasta te jai thakise, juntu pora top-eight finish secure hobo lagise, kintu Jose Mourinho laga Benfica strong comeback kori pura game ulta kori dise.
Benfica 3-2 lead thaka pichete bhi elimination laga bhoy te thakise, kintu 98th minute te goalkeeper Anatoliy Trubin header pora goal kori fourth goal dise. Itu goal pora Portuguese giants khon goal difference hisab te 24th position te playoffs te dhukibo pare.
Real Madrid, jikhon rati shuru te third position te thakise kintu sesh te ninth te jaise, etiya playoffs te Norway laga Bodo/Glimt logote face koribo pare. Stoppage time te Raul Asencio aru Rodrygo duita bhi red card pai pathai diya hoise.
Defending champions Paris Saint-Germain bhi top eight pora bahar hoi jai, kelemane tai khon Newcastle United laga against home te 1-1 draw kori dise. Itu result pora duita team e playoffs face koribo lagibo, kitia final night shuru te automatic places te thakise.
Liverpool pura dominance dekhaise aru Qarabag laga khilaf 6-0 score pora jeeti group campaign stylish bhabe sesh kori dise aru third place te finish kori dise. Alexis Mac Allister duita goal kori dise aru Mohamed Salah bhi scorer list te thakise.
Barcelona rati shuru te ninth position te thakise, kintu playoff avoid kori dise. Tai khan Copenhagen laga against ekta goal pora piche thaka pora comeback kori 4-1 jeeti dise. Robert Lewandowski, Lamine Yamal, Raphinha aru Marcus Rashford laga goals pora Barca fifth position te finish kori dise, juntu Tottenham Hotspur pora ekta place piche ase. Tottenham Eintracht Frankfurt laga against 2-0 jeeti dise.
Chelsea Napoli laga against 2-1 piche thakise, kintu Joao Pedro laga duita goal pora 3-2 jeeti dise aru sixth position secure kori dise. Itu porajoy pora Napoli 30th place te jai pura tournament pora bahar hoi jai.
Itu hisab te, six-ta English club majot paanch-ta last 16 te qualify kori dise, aru Newcastle bhi etiyao join koribo pare.
Add Comment