Agencies:Wednesday te Gareth Bale para 11-minute hat-trick dishe. Gareth Bale laga hat-trick para Real Madrid toh Club World Cup laga final te punchishe. Real Madrid toh semi-final te Kashima Antlers 3-1 para haraishe. Real Madrid aro Kashmira Antlers laga match toh Abu Dhabi te hoishe. Bale toh 44th, 53rd aro 55th minutes te score kurishe. Etu match toh Zayed Sports City Stadium te hoishe. Etu club world cup competition te Madrid toh fourth success hoishe.
La Liga te Real toh Barcalona logote tie te ase. Hoile bhi Saturday te Real Madrid khan trophy toh loi jaile eku asurit kotha toh nahubo. Saturday laga final match te Real Madrid toh Al Ain ke face kuribo. Bale, ankle problem thaka nimite juwa hafta Rayo Vallencona laga match miss kurishe. Real Madrid toh 1-0 para jeetishe.
Welshman toh Lionel Messi aro Cristiano Ronaldo ke Club World Cup tournaments laga score record te join kurishe. Bale toh teenta alag alag Club World Cup tournaments te score kora ekla player hoishe. Bale etu season Real Madrid laga 21 games te dosta(10) goals dishe.
Add Comment