February 11, 2024: Real Madrid laka Jude Bellingham para tuia goal mari nah taike substitute kuri bole hudi shae left ankle laka jokom karne. Spanish League deh Real Madrid kan Girona laka against 4-0 score deh jiti shae.
Girona laka Pablo Torre para second half deh Bellingham laka ankle jabai dia tho taila laka anke ulta hua nishi nah taki shae. England laka midfielder keh olop time akrne tho team laka doctors kan para treat tho kuri shae aro hua piche deh field deh wapas ahi jai shae.
Hoile b tai 55th minute deh ekta asani score mari nah, Bellingham turf deh buhi jai shae aro bahar ola bole hudi shae. Tai field para duk deh olai shae hoile b nijor laka takad para kuri shae.
Tuesday din deh Madrid, Leipzig visit kuri bole ase taikan laka Champion League round of 16 matchup shuru kuri bole.
“Bellingham taila ankle sprain kuri di shae. Taikan para taike khali assess kuri bo. Tuesday para tho mukan taike fit diki bo kui nah hope kuri ase.” Coach Ancelotti para kui shae. Real Madrid etu jiti nah ekta five point advantage deh ahi jai shae second place Girona laka upor deh.
Add Comment