Madrid, 21 October : Real Madrid La Liga laga top te thaki ase juntu Kylian Mbappe laga ekla goal te Getafe uporte 1-0 laga tough jeet loi dise.
Mbappe 80th minute te goal marise — itu tai laga season laga 10th goal hoise — aru Real Madrid laga kaam olop easy hoise, Getafe defender Allan Nyom substitute hisab te 77th minute te ahibole, immediately ekta dangerous foul kori Mbappe uporte red card paise.
Getafe laga din aru bi kharap hoise 84th minute te jabole Alex Sancris bhi Vinicius Jr uporte ekta useless foul korikena red card paise.
Sunday age te, Elche aru Athletic Club laga match 0-0 te draw hoise. Itu karone Elche laga unbeaten home record bachi ase, kintu Eder Sarabia laga player khan disappoint hoise karon taikhan besi chance create kori bhi Athletic laga goalkeeper Unai Simon pora deny kori jaise.
Dusra match te, Celta Vigo laga first league win etiya bhi aahinai, karon taikhan Real Sociedad logot 1-1 draw korise, aru etiya taikhan laga record hoise 9 match te 7 draw. Pablo Duran Celta ke lead dise, kintu halftime age te Carl Starfelt laga red card pichete taikhan second half pura 10 player te khelibo lagise, aru 89th minute te Carlos Soler Real Sociedad laga equalizer marise.
Jorge de Frutos ta laga former club logot duita goal marise, junte Rayo Vallecano ekta comfortable 3-0 win loi dise Levante uporte, aru Alvaro Garcia bhi scoresheet te naam loi dise.
Add Comment