Madrid, 9 April : Real Madrid te excellence hobo he ekmatra standard ase, aru jodi kunuba itu standard reach nohoi, tai punishment face kuribo lagibo – itu to clear he ase.
Kali raat Emirates Stadium te Spanish giant khan laga performance, juntu Arsenal logot 0-3 para hara pora pura bullying hobo dikhaise, itu to perfect laga naam te bhi fit nohoi. Aru etu laga result te etiya head coach Carlo Ancelotti laga head he chopping block te thaki ase.
Spain laga media report te kua ase ki jodi etu season te Real Madrid kunuba silverware miss kuri jai, taile Italian coach Ancelotti ke hatai dibo laga faisla hoijabo pare.
Report te etu bhi kua ase ki Madrid etiya club legend aru Bayer Leverkusen laga current manager Xabi Alonso logot interested ase, jodi Ancelotti ke hatai dibo hoi.
Madrid etiya ekta dangor struggle te ase – performance bar bar inconsistent hoi ase aru defense to pura weak hoijai ase.
Star khiladi juntu Vinicius Jr ase, tai bhi nijor rhythm aru form pabo parinai, aru forward line to pura confused aru identity bihin lagise.
Itu sob weakness kali raat Emirates Stadium te full display te aise – jahan Mikel Arteta laga Arsenal team Real Madrid ke dominate kuri, 15-time UCL champion khan ke 3-goal pora harai disey aru London pora Bernabeu loi wapas pathai disey.
Real Madrid etiya Champions League para bahar hobo laga danger te ase, aru La Liga te Barcelona logot 4 point pichhe ase – juntu 8ta match baki thaka situation te dangor tension ase. Eitu hisab te Florentino Perez bishi dangor change ani dibo pare, aru etu change hobo pare Xabi Alonso form te, jodi Madrid etu season ekta bhi trophy na jiti.
Xabi Alonso already prove kurise ki tai dangor coach ase – tai Leverkusen ke Bundesliga te ekta unbeaten season loi jai disey, aru domestic double bhi jiti luisey.
Dusra side te, Ancelotti notun ekta contract sign kurise Madrid logot, juntu 2026 June tak cholibo.
Italian coach, 64 sal laga, ke second time 2021 te Madrid te appoint kora hoisey, aru tai already 10ta title jiti luisey Real logot – juntu te ase 2 Champions League title (last ekta 2021-22 season te), 1 La Liga title, 2 Copa del Rey, 2 Club World Cup, 2 European Super Cup aru 1 Spanish Super Cup.
Add Comment