Agencies: Khobor hesab te Real Madrid laga midfielder Luka Modric toh club logote notun contract sign kuribole ase. Luka Modrci laga Spanish club logote thaka etiya laga contract toh 2020 te khotom hoijabole ase. Jua olop hafta agote Luka toh Bernabeu para olabole dusra logote link kuri kena thakishe.
Luka Modric toh 2012 te Tottenham Hotspur para Real Madrid te join kurishe. Suru olop saal te Modric toh club te olop duk paishe. Aro bishi fans aro pundits para tai ke flop hesab te labvel kurishe. Hoile bhi samay logote tai laga performance toh bhal hoi kena jaishe. Aro ahi kali olop saal para Modric toh real Madrid laga zaruri hissa hoi jaishe.
Etiya tok te Los Blancos nimite Luka Modric toh sob competitions te 290 games khelishe. Aro Modric para team ke charta Champions League trophies, La Liga titles, ekta Copa del rey aro teenta FIFA Cluib World Cups jeetibole modot kurishe.
Modric toh 2018 Ballon d’Or jetishe. Aro charta alak alak occasions te Modric ke FIFA FIFPro World XI te include kurishe.
Add Comment