Nyon, 22 February : Champions League laga Round of 16 draw UEFA laga House of European Football te Friday dinah kora homoi te, dui ta heavyweight domestic clash highlight hoise – Real Madrid para neighbours Atletico Madrid upare khelibo aru German giants Bayern Munich para Bundesliga champions Bayer Leverkusen upare mukh mukhi hobo.
First leg matches March 4 aru 5 te hobo aru return leg March 11 aru 12 te set kora ase.
England laga league leaders Liverpool Ligue 1 leaders Paris Saint-Germain (PSG) upare khelibo. PSG jun league phase te 15th te finish kuri thaki she, Brest ke knockout round play-off te 10-0 aggregate te harai kina Round of 16 te punchi she. First leg PSG laga home ground Parc des Princes te hobo aru return fixture Anfield te hobo.
Arsenal aru Aston Villa ke next round te bhal draw pai dise, juntu PSV aru Club Brugge upare match hobo. Kintu itu English teams khan final punchibole tough road face kuribo lage.
Notun round te 16 teams khan nijor opponents toh janile bhi, final Munich te punchibole laga path bhi janibole pai lobo.
Draw te, Real Madrid, Atletico Madrid, Arsenal, PSV, Liverpool, PSG, Club Brugge, aru Aston Villa ek side bracket te ase, hoilebi FC Barcelona, Borussia Dortmund, Benfica, Lille, Bayern Munich, Bayer Leverkusen, Feyenoord, aru Inter Milan dusra half te thaki jabo.
Add Comment