June 7, 2024: Thursday din deh ekta merchant vessel para Red Sea osor deh ekta explosion hui shae kui nah report di shae. Explosion tho Mokha laka Yemeni port para 19 nautical miles west nishi nah taki shae, British Security firm Ambrey para kui shae.
Alak side deh, United Kingdom Maritime trade Operations (UKMTO) para Thursday din deh taikan, Mokha laka 27 nautical miles south deh ekta incident hua laka report pai shae kui shae aro authorities kan investigate kuri ase kui shae.
Vessel tho Yemeni Houthi militants laka target profile tho fit kureh, kun kan bishi mohina karne country laka coast deh, ships kan keh hamla kuri shae, Ambrey para ekta note deh kui shae. Ambrey aro UKMTO para report kura incidents tho eki ase nah nai, etu itia b sure nahoi.
Houthi kan, Red Sea, Bab al-Mandab Starit aro Guld of Aden laka crucial shipping channels deh repeated drone aro missiles trike kan kuri shae, jua sal alka November mohina para shuru kuri nah. Etu para shippers kan keh taikan laka rasta change kuri bole force kuri di shae kuto laka journey aro dam taki shae. Enaka hua tho Israel-Hamas laka war tho Middle East deh spread kuri bo pareh kui nah bui tho aha shuru hui shae.
Houthi Militia, kun kan Yemen laka jaka keh bishi wak control kureh aro Iran lokot deh aligned ase, taikan paea etu acts kan tho taikan, Palestinians kan lokot solidarity deh kura ase kui shae.
Add Comment