New Delhi, 14 August 2025: Officer aru staff khan laga knowledge aru efficiency bisi kori dibo karone, Resident Commissioner’s Office, Nagaland House (NH), New Delhi te refresher training conduct kora hoise 7th pora 13th August 2025 tak, Nagaland House, Dr. APJ Abdul Kalam Road, New Delhi te. Training khan duita (2) phase te hold kora hoise.
Retired Senior Accounts Officer, Treasuries & Accounts, Khinyi Woch aru Deputy Secretary, Economics & Statistics, Rhonthungo Andreas Lotha resource person hisap te training te thakise. Training complete hoa pichete, Joint Resident Commissioner, Nagaland House, New Delhi, Sharon Longchari sob trainee khan ke certificate present kori dise.
Sob milai kena 15 officer aru staff khan ke hands-on training diya hoise service & leave rules, basic office procedure, pension related kaam, pay aru allowance, fixation of pay, noting & drafting aru baki office related matter khan opor te.
Add Comment