Suzuka, 5 April : World champion Max Verstappen Saturday din Japanese Grand Prix laga pole position loi luisey, aru McLaren laga dui driver ke surprise kori dise ekta late flying lap diya pora. Itu te Verstappen fourth saal straight Suzuka te top spot lock kori luisey.
Championship leader Lando Norris first row te Dutchman laga side te start koribo, aru dusra McLaren driver Oscar Piastri—juntu dui hafta age China te jeet pai thakise—second row te Ferrari laga Charles Leclerc logot start koribo.
Verstappen laga timing ek minute 26.983 second thakise, juntu ekta lap record hoise Suzuka circuit te, jikhun te tai past tin saal pole pora jeet paise. Tai laga time, Norris laga timing pora 0.012 second fast thakise.
Idu hoise Verstappen laga first pole position last saal June te Austrian Grand Prix pora, jodi bi Qatar te qualifying te tai fastest thakise, ekta one-place penalty karone pole retain nohok.
Mercedes driver George Russell practice te bhal pace dekhaile bi, qualifying te third row te fifth position te thaka karone disappointed thaki bo pare. Tai laga teammate Andrea Kimi Antonelli tai logot start koribo.
Racing Bulls laga rookie Isack Hadjar qualifying te seatbelt problem face korile bi, overcome kori race seventh position pora start koribo, Ferrari laga seven-times world champion Lewis Hamilton logot.
Japan laga Yuki Tsunoda, juntu last week Liam Lawson ke replace kori Red Bull car te first race koribo, disappointing 15th position qualify korise. Lawson tai pora ekta position up te Racing Bulls pora start koribo.
Qualifying time te, trackside grass fire karone dui din te panch bar action disrupt hoise.
Add Comment