Gumi, 27 May : Reliance Foundation laga athlete aru national record holder Gulveer Singh India laga gold medal tally shuru koridiseh ekta first-place finish loi men’s 10,000m race te, Asian Athletics Championships laga opening day te Tuesday din.
26 saal laga Asian Games bronze medallist Gulveer Singh 28 minutes 38.63 seconds te race complete kori gold medal jiti luisheh. Ta laga national record, juntu eta ageta sal te banai thakiseh, itu 27:00.22 ase.
Japan laga Mebuki Suzuki silver medal jiti luisheh 28:43.84 time te, aru Bahrain laga Albert Kibichi Rop bronze medal jiti luisheh 28:46.82 time te.
Din laga aage te, Servin Sebastian India laga first medal earn koriseh bronze medal loi men’s 20km race walk event te, juntu ta 1 hour 21 minutes aru 13.60 seconds te complete koriseh. China laga Wang Zhaozhao gold medal jiti luisheh 1:20:36.90 time te, aru Japan laga Kento Yoshikawa silver jiti luisheh 1:20:44.90 time te.
Sebastian laga time ta laga personal best 1:21:23 teka thora kom thakiseh, juntu ta February mahina te Uttarakhand National Games te gold jitithaka time aseh. Amit, ekjon dusra Indian participant, fifth place finish koriseh 1:22:14.30 time loi.
India 58-member laga ekta contingent pathaiseh ei event te, juntu previous edition te desh 27 medals jiti thakiseh.
Add Comment