Reliance para employees ke May 1 para vaccine dibo

April 23, 2021. Reliance Industries Limited para tai khan laga employees aro family members logot May 1 darik para vaccine deya soruh koriboli koishe. Etu samai India laga desh pura te be 18 umer oper logot vaccine deya soruh hoboli ase. Statement te Reliance Industries Limited para vaccination kam toh soruh koribo. Tai para employees khan logot Covid vaccine toh hosari nemite deri nathakina loboli janaishe aro employees laga family members khan ke be janai thiboli koishe. Reliance Industries laga Chairman & Managing Director Reliance Industries, Mukesh Ambani aro Reliance Foundation laga Chairperson Nita Ambani para koishe ke, vaccination toh coronavirus logot larai kora samai sobse tangor saman ase. Besi employees aro tai khan family members khan logot company para vaccine toh thikena ase koishe. Letter te aro koishe ke, Reliance Foundation para humanitarian challenges te narokina motob deya te 5.5 crore khana aro 67 lakhs masks thikena ase koishe. “ahiboli tin(3) moina pithor te, ami koi ase ke, sob manuh para motob koribe,” koikena letter te koishe. “ami khan laga sobse tangor kam toh manuh khan laga halat aro safety thakibo lage”. Reliance para tai khan laga nejor programme, ‘R-Surakshaa’ koikena employees aro tai khan laga family members kaun 18 umer opera se, May 1 drik para vaccine soruh koribo. Etu fesla lowa toh olop din akhe government para 18 umer oper khan ke May 1 darik para vaccine loboli junai deya beche ase. India te sobse tangor vaccine toh January 16 darik para soruh hoishe. Vaccine bona khan para hotai moina Central Drugs Laboratory te bona toh 50 per cent supply thibo aro baki 50 per cent toh doses toh state governments aro market te free para supply koribo koishe. India te notun phase vaccination soruh kora toh notun COVID-19 cases besi othi-thaka nemite ase koishe. India te 3.32 lakh neshina notun bemari hoikena ase. India te 24 gonda pithor te 3 lakh cases oper cases paishe aro 2,273 manuh morishe, koikena Health Ministry laga data hesab te janaishe.