SYDNEY: Tuesday te authorities koishe Papua New Guinea laga ekta bishi active volcanoes toh erupt hubole suru hoishe. Etu remote islands te thaka bosti khan te volcanic pathor para continually shower kurishe.
Papua New Guinea mainland laga north te Manam island laga nodi te volcanic cone tower genika ulai. Eruptions laga history saile November 2004 te bishi dangor eruption huwa nimite 9,000 manu khan jaga chari ke polai jaishe.
November 2004 pichete volcano toh bishi bar erupt kurishe. Jua moina bhi etu volcano para lava aro ash ulaishe.
Rabaul Volcanological Observatory koishe Monday te bishi bar Manam jaga osor te mati hela nimite warning system trigger kurishe. Ao olop samay pichete volcano erupt kurishe.
Observatory te kaam kora Ima Itikarai AFP ke koishe etu eruption toh Tuesday ekdam fusur tok hoishe.
Observatory local news website Loop PNG ke khobor share kuri kena koishe etiya latest huwa eruption toh main carter para ahishe. Etu para lava toh osor te thaka valley te jai jaishe. Aro osor te thaka bosti te thaka khan te volcanic pathor khan gerishe.
Papua New Guinea te bishi volcanoes khan ase. Particularly offshore islands te bishi ase. Kile koile etu desh toh duita tectonic plates laga junction te ase.
National Newspaper khobor hesab te kunba islands te thaka manu khan toh Manam para 15 years agote chari kena jaishe. Aro Papua New Guinea laga dusra jaga khan te thake jaishe. Notun khobor pa hesab te Manam para ulai ja manu khan toh duk pa laga khobor paishe.
Add Comment