NEW DELHI:Wednesday te source koishe December 29 te Prime Minister Narendra Modi, tai laga constituency Varanasi para Train 18 flag kuribo. Train 18 toh railway laga sob para fastest train ase.
Source koishe Train 18 desh laga first engineless train hubo. Train 18 Shatabdi trains ke replace kuribo. Etu train toh Delhi aro Varanasi majote berabo.
Train 18 toh ICF Chennai para manufacture kurishe. Train 18 ICF Chennai ke Rs. 100 crore karcha hoishe. Train 18 toh India laga fastest train ase. Tai 180 kmph laga speed para rail track te berabo.
Blue-nak thaka train toh duniya laga sob para bhal amenities lagai kena ahibo. Train 18 te on-board WiFi para loi kena GPS-based passenger information system, touch-free bio-vacuum toilets, LED lighting, mobile charging points aro temperature adjust kuribole climate control system thakibo. Etu climate control system toh train te buha manu aro train laga temperature hesab para nijor ke adjust kuribo.
Train te duita executive compartments thakibo. Duita compartments te 52 seats thakibo aro trailer coaches te 78 seats each thakibo. Executive class te train direction match kuribole rotating seats thakibo.
Tentative plan hesab te.Train toh New Delhi station para 6 am te suru kuribo aro Varanasi te 2 pm te punchibole expect kuri ase. Return journey te, train Varanasi para 2.30 pm te suru hubo aro national capital te 10.30 pm te pungchibo. Etu toh eki din te he hubo.
Railway Minister Piyush Goyal Train 18 laga success para bishi impress ase. Recently ICF aro charta train banabole koishe etu financial saal majote.
Add Comment