September 25, 2020. Researchers khan para Covid-19 testing koribo nemite fast aro cheap method olaishe koishe. Etu method para testing kam sosta hoi aro bemar be jolti para thuriboli pareh. Etu para aro kaun chaka te saman komti thaki etu nemite be kam sosta hoi jai. Aro besi bhal as ek, testing toh repeat be koribo pareh koikena etu study toh journal Nature Communications te junai thishe. “etu kam toh Asia aro southern Europe te kora thikina ami khan be testing soruh korishe”, Sweden te Karolinska Institute, study author Bjorn Reinius para koishe.“ami khan laga method toh April moina para soruh hoishe aro etu laga data toh free te online te thalishe,” Reinius para koishe. Bemari rate besi hoiase aro asymptomatic bemar number be besi othi thaka nemite duniyaa te jolti para sosta aro asan diagnostic tests toh clinical aro non-clinical chaka te loboli nemite kori ase. Covid-19 diagnostic tests toh viral RNA para bemar manuh laga samples thura oper te ase. Nasal aro throat swabs para RNA molecules toh olaikena purified kori koishe. Researchers hesab te, kamyab hoboli nemite sobse important toh virus inactivation procedure aro bemari manuh laga sample toh collect koribo nemite ase.
Add Comment