Retiring Officers nemite jaijabole (Farewell) din

KOHIMA, SEPTEMBER 2 : Department of Treasuries aro Accounts, Nagaland pora Director, Daso Paphino aro Assistant Director, Neivicha Angami 2 jun ke jaijabole din manaidese. Etubi 31^st August 2018 te DTA Conference Hall, Kohima te.Etu Department laga naam pora Principal Director , K. Tiayanger Tzudir pora etu 2 jun pora etu department te ekdam mon de kena kam kura aro dukh kurikena kam jula porahi etu Department ke besi motub huise aro ahkete anedese. Aro tai 2 jun laga bhal kam kan sob tai kan yaat te rakhi ase aro rakhibo koi kena janaise.Etu jaijabole din te kotha kurikena Director Daso Paphino pora etu state manu kan laga morom aro bhal kam aro adat aro neum porahi tai logot etu kam te bhal te ahkete luijabole diya laga aro bara laga ase koi kena janaise. Aro tai etu porahi bhal te neju laga kam kuribole bhal te bara laga ase koi kena janaise. Etu Din laga Programme toh Director of Treasuries aro Accounts, R.N. Yanthan pora ahkete luijai kena manaise (chaired). Aro Words of Acknowledgement toh Jt. Director, Khevito Sema pora kuridese koise.