Reynolds R-rated Star Wars Disney ke pitch kurise, hoilebi etu film te acting kuribole mon nai

US, 25 May 2025: Ryan Reynolds recently reveal kurishe ki tai ekta R-rated Star Wars project Disney ke pitch kurishe. The Box Office Podcast te kotha kuri time te, Deadpool & Wolverine star koishe ki tai etu idea karone excited ase, kintu tai etu film te acting koribole mon nai. “Moi pitch kurishe Disney ke, moi koishe, ‘ Moi khan ekta R-rated Star Wars banaile kinika? A+ over bhal character nohoilebe. Beshi character ase jun laga upor te ami focus kuribo pare,’” Ryan explain kurishe. Tai etu bhi koishe ki R-rating mane vulgar nohoi, kintu emotion bhal para dekha bole karone hobo. “R-rated as a Trojan horse for emotion,” tai add kurishe. Ryan clear pora koishe ki tai etu film te acting nokoribo. “Moi film te thakile bhal nohoi. Moi produce, write, naihoile piche para help kuribo bishe,” tai koishe. Tai bishwas ase ki Star Wars fans ke ajibhi surprise dibo pare, jodi bi Disney+ te beshi series already ahishe. Ryan laga latest film Deadpool & Wolverine July 2024 te release hoishe aru bishi success paishe. Etu R-rated superhero movie te Ryan Reynolds aru Hugh Jackman eki lokot ahishe. Hugh Jackman Wolverine laga role te wapas ahishe, retire kora pasot te. Etu film Shawn Levy para direct kurishe. Star Wars fans karone, next release hobole ase The Mandalorian and Grogu, Jon Favreau para direct kurishe. Etu May next year te release hobo aru Pedro Pascal Din Djarin laka role act kuribo.