December 28, 2024: Multi Institutional Medical Board (MIMB) para khali ekta manu heh RG Kar Medical College and Hospital deh hua junior doctor laka rape karne responsible ase pareh kui nah. Taikan etu kui nah doctors laka claim keh counter offer kuri shae, kun kan para etu case deh bishi perpetrators taki shae kui nah allege kuri shae.
“Jokom kan she sai nah, kuto shakal, gola aro genitalia laka jaka deh ase, enaka nishi nah jokom kan tho khali ekta manu para kuri shae kui nah b rule out kuri bole nalageh, MIMB laka interim report para kui shae. 11 member board tho Dr Adarsh kumar para chair kuri shae. Tai tho AIIMS deh forensic medicine laka ekta professor ase.
Case, kuto para nationwide outrage aro prolonged protest keh spark kuri shae, etu deh ekta 31 sal trainee doctor laka death ase, kuto August 9 din deh hui shae. Kolkata police para first deh Sanjoy Roy keh arrest kuri shae, August 10 din deh. Tai tho ekta civic police volunteer ase. Investigation tho etu piche deh, CBI keh transfer hui jai shae, Calcutta high court para, cover up laka allegations aha piche deh.
West Bengal Junior Doctors Front kan itia b lone perpetrator theory deh taikan laka doubt tho rakhi ase. “Ekta manu laka upor case deh involved ase kui nah mukan itia b biswas kureh. MIMB report para etu possibility keh b rule out kura nai,” Aniket Mahata para kui shae
Add Comment