GUWAHATI, OCTOBER 5 : Dehradun laga Wildlife Institute of India (WII) pora DNA Database kan 200 rhinos laga ulaidese. Etubi Assam, Uttar Pradesh aro West Bengal state laga pora. Aro etu ula toh kun-kun etu Rhino Janwar murabole kuri etu kan ke thuribole karne ase koise.
Etu Rhino Janwar laga DNA Database ulabole (create) kura toh ami kan desh te ahke wala ase. Etubi 3,300 Rhino Janwar kan laga DNA Database ulabole kura. Aro etu DNA sabole kura aro manabole kura toh edia pora aro aji-kali pora suru kuri ase koise.
Etu DNA Database nemite sabole kura Project toh Samrat Mondal pora ahkete luijai kena manai ase. Tai pora koa hisabte etu DNA Database pora kun-kun etu Rhino Janwar murabole kuri etu kan ke aramse janibole bara laga ase. Aro etu DNA Database porabi etu janwar mura kan ke thuribole kotha ula time te etu etu mura chamala nemite kotha ula time te aramse etu Database pora saidebole baribo koi kena janaide thakise.
Etu DNA Database nemite sabole kura toh Wildlife Forensic aro Conservation Genetics Cell kan etu WII Intitute laga pora ahkete luijai kena kuri ase. Aro edia dak toh tai Pobitora Wildlife Sanctuary, Assam laga pora 100 rhinos laga DNA saide kena ase, Dudhwa National Park, Uttar Pradesh laga pora 40 nesena laga saide kena ase, Assam laga Manas National Park laga pora 35-40 nesena laga aro Kairanga National Park laga pora 70-80 nesena laga saide kena ase koise.
Add Comment