Liverpool, 4 January : Rifle dhurina thakia mota ekta golee maria, ekta packed cinema laga bahar dey rampage naja agey Liverpool dey, itu laga video toh social media dey ulaishey. Itu dey dikhai asey ekta mota kun ekta hoodie arl flippers lagai asey aro Dulaney pitor dey golee mari asey. Itu mota toh itu dukan pitor dey 8pm nishna phaney ghusishey, store assistant ke dhamki dishey aro puisa mangishey ekta bandook golee namaria agey dey aro itu dukan khali haat ulai jaishey, itu Evening Standard kuishey ekta report dey. The Telegraph laga hisab dey, itu 49-saal mota toh police para itu gunfire piche dey dhuri luishey.
Merseyside Police para ekta call paishey itu store dey ghatna hua laga kuntu laga naam Sangha newsagents asey, Lower House Lane dey Norris Green, Wednesday raati dey.
“8.50pm nishna dey officers khan ekta report paishey ki East Lancashire Road dey Showcase Cinemas dey golee marishey ekta mota premises dey bandook dhurina ghusia piche dey,” itu police kuishey ekta statement dey, The Telegraph report hisab dey.
“20 minutes nishna agey dey Lower House Lane dey ekta business dey ekta ghatna huishey kutey ekta firearm ke discharge kurishey,” itu statement agey kuishey.
Jokhum hua laga eku reports thakianai.
Itu piche dey itu mota toh cinema pitor ghusishey aro sheher dey alag jagah khan dey bhi jaishey, Evening Standard laga hisab dey.
Itu cinema complex toh ekta lockdown dey thakishey. Police khan para locals ke ghor pitor thakiboley kuishey kitia itu shaaks ke dhuriboley bisaria shuru kurishey.
Itu homoi Showcase Cinema, kuishey ki taikhan police aro investigators logot cooperate kuri asey.
Police para confirm kurishey ki itu ghatna toh terror related nahoi, huilewi halishey ki itu toh ekta dangor ghatna nishna sai asey.
Add Comment