AGENCIES: Rio de Janeiro neighbourhood Thursday din te drug gang uporte police para raid kurikena mura toll toh 28 te uthsise.etu khobor toh civil police para Friday te koikena janaishe.etu toh Brazilian city te luwa security force laga sobse kara wala operation thakishe.
Etu aro bi tinta wala victims laga laga bodies toh favela Friday din te hataidiya toh manu khan organised crimes logote link thaka ase.police kuwa hisaab te.twenty four nishena manu aro ekta police officer bi murishe etu operation te mura te northern rio neighbourhood jacarzinho te hoishe.
Civil Police chief Allan Turnowski para reporters khan ke koikena janaishe”intelligence para khobor dishe ki etu mura toh drug bekha manu khan thakishe.tai khan officers uporte guli marishe muraidibole nimete.tai khan ke confront kuribole nimete hokum dishe.”
Etu hadsaa para human rights groups khan etu te Amnesty International, para bodnam kurishe etu para police ke bodnam kurishe etu manu khan mura nimete ekta neighbourhood te kuntu te kala aro dukhia manu khan thakishe.
United Nations human rights office para Friday te ekta independent investigation kuribole janaishe etu operation te. U.N. human rights spokesman Rupert Colville para koikena janaishe police khan para force toh thik thak nathakikena chulaishe.
