December 03, 2023 : Chief Minister Neiphiu Rio bera 2nd December 2023 tae Disability Pride Fair 2023 inaugurate kuri shey Kisama Naga Heritage Bosti tey, International Day of Person with Disabilities yaad kura homoi tey.
Chief Minister para tai laga speech tey kushi janai di shey office of the State Commissioner for Person with Disabilities logotey aro State Commissioner for Disabilities, Diethono Nakhro logotey, tai laga dangor kaam aro tai initative loi kena disabled community karne kam kura. CM bera kushi janai teishae tai khan itu International Day of Person with Disabilities tu annual event banai tebo lae kura tu, aro Tai bera inform kuri shae keneka Government para corpus fund create kuria paro aha saal para.
Rio pera janai dishey keneka aro bishi kaam kuri bo lagey disabled manu khan karney. tai koishey, vocational training aru alag skill development training toh tai khan ke shikhabo lagey eneka kuriley tai khan nijor karney earn kuri bo aro society tey, ekta respect para tha ki boley. Rio bera janai di shey, thik thaka manu khan ke (privilege) keneka disabeled manu khan karne kaam kuri bo lake disabled manu khan laga upliftment karney aro tai khan karney promote kuriboley, sob jaga tey.
Add Comment