Ripun Bora Assam TMC chief para resign kurishey

GUWAHATI, SEPT 01: Ripun Bora, Assam tey Trinamool Congress (TMC) laga State President, tai laga resignation toh offer kuri dishey party laga National Secretary, Abhishek Banerjee ke. Bora, agey Member of Parliament (Rajya Sabha) ekta, kuishey TMC ke bar bar  West Bengal laga regional party ekta asey kuina koi thaka toh tai chari kena jaa laga main reason asey. Tai laga strong efforts khan Assam tey TMC ke BJP laga replacement chula bole pari bole iman koshish kura pichey bi, Bora express kurishey tai laga gussa Banerjee logo tey appointment pabo na para tey aru TMC Chief Mamata Banerjee ke tai laga chinta khan toh address kuri bole kuishey. Tai measures khan suggest kurishey regional party perception toh counter kuri bole, including national level tey Assamese leader ekta lagiya toh aru Assamese cultural heritage sites khan laga promotion bi milai. Bora, kun April 2022 tey TMC join kurishey, kuishey ki tai laga resign kuri bole laga faisla toh tai nijor laga dukh khan karne nahoi hoilebi tai control kuribo na para situation khan para asey. Tai agey aru promise kurishey communal aru fascist forces khan laga khilaf tai nijor laga personal level tey fight kuri thaki bole. Bora logo tey, Assam tey TMC laga youth wing la president, Mehboob Ali bi party para resign kurishey tai nijor personal reasons khan karne kuina.